Gleðilega árið!

Gustaði nú aðeins hér í Blásölunum í Kópavogi, en landinn fann þó sprengiþráðinn auðveldlega eins og sést á þessari mynd. 

PC og hræddir við öfgafemínista?

Sagði við tvo vini mína á fimmtudagskvöldið þegar við vorum að lesa yfir þá íþróttamenn sem tilnefndir voru til Íþróttamanns ársins, að það væri ljóst að Margrét Lára yrði valin; bara engin umræða um það.  Þeir voru efins, þangað til að ég útskýrði landið fyrir þeim.

1. Hún yrði valin - ekki vegna þess að hún vann eitthvað stórkostlegt afrek á árinu eða gerði eitthvað annað stórkostlegt. 
2. Það væri bara kominn tími á konu og íþróttafréttamenn gætu bara ekki valið Óla Stefáns, Eið, Guðjón Val eða einhvern boltaíþróttamann aftur og aftur. 
3. Það væri ekki PC, og öfgafemínistar myndu drulla yfir þá, ef þeir myndu velja Eiða eða Óla Stef. 

Ekki það að þeir áttu það skilið, en svona er bara Ísland í dag því miður.  Mér skilst að einhver badmintonkona hefði náð mjög góðum árangri á árinu og færst langt upp heimslistann?

Mín skoðun er sú að verið er að bæta henni upp "samsærið" frá í sumar.  Veit ekki hvað hún gerði meira á árinu, en að vera besta knattspyrnukonan á Íslandi.  Hún var líka fallegust kandítatanna, kannski það hafði ráðið úrslitum í þetta skiptið!?  

Óska henni til hamingju að lokum!

Íþróttafréttamenn eiga líka þakkir skilið, fyrir að fyrirbyggja ömurlega umræðu frá öfgafemínistunum um áramótin.  Þeim vantar nefnilega eitthvað nýtt að mjatla á, eftir jólasveinaruglið og tómleikan um jólin. 

Margrét Lára íþróttamaður ársins

Vilníus heimsótt um síðustu helgi.

Var í Litháen um síðustu helgi, en árlegur "Julefrokost" Hekla Travel AS og AB fór þar fram.  Skemmtilegt að gera eitthvað annað en að fara til Íslands t.d. eða vera hér í Kaupinháfn.  Aðeins tekur um eina og hálfa klst að fljúga til Vilníus frá Kastrup.  Flogið var með Air Baltic flugfélaginu sem danskar ferðaskrifstofur eru að "stræka" á vegna aukagjalda sem það er að setja á farþegar með farangur!!

Gist var á Hotel EuropaCity, fínu hóteli í miðbæ borgarinnar.  Við komum þangað rétt um hálftíma fyrir miðnætti, eða þegar stelpugreyin voru í þann mund að loka BARNUM!???  Ekki var það tekið í mál, eða svo, heldur kom stórfelld pantanahrina greyjunum til mikils ama.  Gin og tónik tvöfaldur á góðu verði, eða um 22 Litas sem eru um 570 íslenskar spesíur.  Manni vöknaði um augun af hamingju í þessu útópíulandi þeirra sem eru mikið fyrir tvöfaldan gin og tónik!  

Á föstudagskveldi var drukkið ótæpilega mikið af lélegu áfengi sem gerði mann þunnan og þreyttan morguninn eftir.   Lélegt áfengi er t.d. Lauders viskí og litháískir brjóstdropar sem finnast í minibörum hótela í Litháen og kosta um 4 Litas eða rúmar 100 ISK.  

Laugardagurinn var notaður í göngu um borgina með leiðsögukonu, sem talaði mjög góða sænsku með sterkum rússneskum-litháískum hreim.   Að því loknu var hádegisverður á veitingastaðnum Bastejas (held að það sé rétt) þar sem drukkið var og étið af bestu lyst.  

Um kvöldið var farið á einhvern veitingastað sem ég man ekki hvað heitir.  Þar fengum við að borða fjögurra rétta máltíð og drukkið Chardonnay og Amarone með.  

Litháen er mjög ódýrt land.  Startgjaldið í leigubíla er um 100 ISK, og aukalega gengur mælirinn ekkert alltof hratt.  Það er samt ekki sagt það sama um suma leigubílstjóra þarna í borg.  Matur ódýr og áfengi.  Litháar þurfa samt aðeins að taka sig á varðandi flugvallamál, en hinn alþjóðlegi flugvöllur þeirra er til skammar svo lítill og ömurlegur er hann.

Mæli með heimsókn til Vilníus!

 

Ætli hann leggi ekki niður gregoríska dagatalið fyrir 2013?

Loksins sýnir hann einhverja skynsemi.  Kemur samt ekki á óvart að hann fullyrði að þeir kjósendur sem kusu á móti honum, hefðu verið kúgaðir til að kjósa á móti óskum hans.  Ætli það hefði þá ekki verið hina leiðina líka?

Þetta er auðvitað allt George Bush að kenna?

Vona samt að honum takist ekki að gera Venesúela að einræðisríki fyrir 2013 þegar hann ætlar að hætta....eða hvað?  Breytir hann kannski dagatalinu?

Chavez ætlar að láta af embætti 2013

Danskan glötuð?

Ég hef verið að grínast við samstarfsmenn mína hér í Kaupinháfn að danska tungumálið er í raun og veru bara enska töluð með undarlegri ljótri mállýsku.    Einnig er ég duglegur við að nöldra í þeim um að þetta mál er ónýtt og gagnslaust, þeir ættu bara læra íslensku, hún yrði hvort sem er töluð um allt í Kaupinháfn amk eftir um 20 ár.  

Ég fékk að vísu smá áfall þegar ég sat í lestinni hér innan Kaupinháfnarsvæðisins um daginn.  Þar kom hópur einhverra unglinga inn í sama vagn og ég, og einn þeirra settist á móti mér.  Kallaði hann svo á félagi sinn "Hey, Casper! Join mig herover!"   Er þetta ekki að ganga of langt?

 

Neitað um einræði.

Íbúar Venesúela ætla sem betur fer ekki láta Krusty the Clown vaða endalaust yfir sig með sósíalískum einræðistilburðum. 

Nú bíð ég bara eftir fréttum þess efnis að hann kenni George Bush persónulega um ósigur sinn og saki allt sem vestrænt er um kosningasvindl, sama hvernig hann fær það út.  

Verður spennandi að sjá hvað hann gerir næst til að fá aukin völd.

Breytingum Chavez hafnað

Ruka-Kuusamo

Þá er tæp vika síðan ég kom frá Finnlandi.  Eitthvað ætla myndirnar frá ferðinni að láta á sér standa, en tölvan mín var svo góð að gefa upp öndina sama dag og ég kom til Kaupinháfnar, og því hef ég ekki hlaðið myndunum niður ennþá. 

Ruka-Kuusamo svæðið er um 200km suðaustur af Rovaniemi við landamæri Rússlands.  

Ekki var ógurlega kalt þarna norður frá, en þó fór frostið niður í -11°C einstaka daga.

Prófaði snjóbretti sem seint verður talin frægðarför niður brekkurnar, fórum á snjósleða og svo hundasleða (husky safari).  

Meira síðar. 

Helsinki

Þá er maður búinn að vera í hreinni afslöppun síðan á laugardaginn hér í Helsinki.  Ekki búið að gera mikið en að hitta vinafólk, borða með þeim og drekka.  Fórum t.d. á finnskan Sámi veitingastað á þriðjudaginn, þar sem við fengum hreindýr að borða í öllum útgáfum, nema auðvitað með hornunum og feldinum.

Í gær var farið til Haikko sem er 46km frá Helsinki.  Þar er að finna ráðstefnuhótel og heilsulind.  Fórum við í nuddpottana, gufubað, reykgufu og svo í stutt kalt bað, um 12°C rétt í lokin. Toppurinn var þó að fara í svokallaða "Cryotherapy".  Sú meðferð á að fá blóðstreymið á fullt og á að "lækna" all verki í líkamanum.  Það versta við þetta er það, að maður fer inn í klefa þar sem það eru -110°C.  Stendur maður þar í max. þrjár mínútur.  Verð að segja að þetta var nú alls ekki eins erfitt og maður bjóst við.

Ferðinni er svo heitið til Rovaniemi í fyrramálið kl. 06:40 með Finnair.  Johnny, Vane, Vesa og Anu ætla að skröltast í næturlestinni í kvöld með krökkunum - sem var auðvitað ekki til umræðu hjá mér. Ætlum við að fara í Jólasveinaþorpið og gistum svo á Scandic Hotel Rovaniemi í eina nótt. Svo bætast Maria, Hans, Sæmi og Alfa í hópinn á laugardaginn, en þá verðum í eina viku í Ruka í tveimur bústöðum.

Nú er bara að fara í útvitstarverslun og gíra sig upp fyrir átökin við snjósleðana! 

 

Stórfrétt!

Geisp!

Tófa aflífuð á Flateyri

Suomi

Það styttist í "sumarfríið".  Nú verður farið til Finnlands. 

Ein vika í Helsinki og svo farið í bústað í Kuusamo í eina viku, eftir heimsókn í Jólabæinn í Rovaniemi.  

Slær niður í 13°C frost þarna norður frá.  Smátilbreyting frá síðasta fríi sem var í Mexíkó.

Brottför frá Kastrup kl. 13:30 á laugardaginn með Finnair!