Að skíta í ruslafötu!

Já, miklum áfanga er náð.  Egill Helgason eyddi athugasemd frá mér!

Gerði athugasemd á bloggi kaffihúsaspekingsins Egils Helgasonar í gær, þar sem hann sagði Söru Palin vera með furðulegar skoðanir.  Ég sagði Egil sjálfan með furðulegar skoðanir, t.d. vill hann gera Ísland grískt og að óskar þess heitast að skíta í ruslafötur.  Þeir sem hafa verið í Grikklandi og Kýpur og jafnvel víðar á þessum slóðum vita hvað ég meina.  Eitthvað hefur þetta farið illa í vinstrisósíalistann sem þykist stundum vera hægrimaður.

Ég verð að segja eins og er að miklum áfanga er náð.  Ekki var ég dónalegur á einn eða annan hátt eða eitthvað annað. Honum hefur greinilega eitthvað sárnað það að ég sakaði hann um að njóta þess að skíta í ruslafötu!  

Mig annars hlakkar til að horfa á Silfrið í vetur, en geri ekki ráð fyrir því að hann muni taka upp þetta brýna málefni.

Icelandair American Express

Flaug heim til Kaupinháfnar í morgun með Icelandair.  Kona sem sat á bak við mig ætlaði að borga eitthvað úr Saga Boutique með Icelandair American Express korti, en henni var sagt að posinn tæki það ekki.  Ég er með danskt American Express sem virkar hjá Icelandair.  Er ekki dálítið skrítið að ekki sé hægt að greiða með korti tengdu flugfélaginu um borð í vélum Icelandair??

Aðalbóndinn giftur!

Þá er Benedikt Hálfdanarson "stórbóndi" úr Aðaldal og reiknimeistari Hagstofu Íslands giftur maður.  Ausarigning í dag þegar hann gifti sig í Lágafellskirkju.  Falleg lítil kirkja.  Hógvær og góð veisla í Hlégarði strax á eftir. Hélt mig við venjuna og gaf Gogga Jens hönnun.  Alltaf traustur í brúðkaupsgjafir.  

 

Hverjir eru sigurvegararnir í Peking?

Smá pæling eftir leikana.

 Mér finnst dálítið merkilegt að Kínverja séu titlaðir sigurvegarar leikanna.  Jú, þeir unnu flest gullverðlaun, en vinnur maður ekki silfur og brons líka?  Eða tapar maður gullinu, sérstaklega þegar keppandinn hafi aldrei verið í gullsæti á meðan hlaupinu eða sundinu stóð? 

Þær íþróttir sem Kínverjar vinna sín flestu gullverðlaun eru þær íþróttir sem þú mátt helst ekki vera hærri en 1,5m eða þyngri en 45kg.  

Er þá íslenska landsliðið í handbolta ekki sigurvegarar eftir frábært mót, heldur töpuðu gullinu en unnu ekki silfrið?

Kínverjar unnu:

51 gull (missa væntanlega eitt eða tvö vegna brots á aldursreglum í fimleikum)

21 silfurverðlaun

28 bronsverðlaun

= 100 verðlaun

Bandaríkjamenn unnu:

36 gullverðlaun

38 silfurverðlaun 

36 bronsverðlaun

= 110 verðlaun

Kínverjar kepptu í 27 greinum á móti 23 greinum sem Bandaríkjamenn kepptu í.  Er þá ekki hlutfallið með BNA?  Ekki finn ég hve margir keppendur voru frá Kína eða BNA, en þegar maður kíkir yfir fjölda keppnisgreina, þá virðist Kína vera með miklu fleiri en BNA (enda ætti svo að vera).

Er sú þjóð sem vinnur flest gullverðlaun sigurvegarinn, eða sú þjóð sem vinnur flest verðlaun?

 

Cancún!

Jæja, þá er búið að ganga frá öllum lausum endum varðandi Mexíkóferðina í nóvember.  Gisti á Blue Bay Cancún Club og all-inclusive pakki með.  Skutl til og frá flugvelli og væntanlega G&T hvenær sem er.  Ströndin 50m frá og nóg af sundlaugum og sundlaugabar að sjálfsögðu.   

Maggi (sem verður með í för og kemur af Fróni) gerir örugglega ekkert annað þangað til en að fylgjast með gengi DKK, EUR og USD, enda flugmiðinn keyptur í DKK og gistingin í USD.

Frí frá pappír, reikningum og "vinnustaðanöldri" frá 31.október til og með 18.nóvember.  Í tímabelti langt frá vinnutíma, bara snilld. 

Sjá:  http://www.all-inclusive-family-bbclub.com/multimedia/index.asp?media=fotos&Title=1

Flýg með KLM frá Kaupinháfn til Amsterdam árla morguns og svo með Martinair til Cancún (beint).  Lendi í Cancún síðdegis 1.nóv. Skelli mér á Comfort Class hjá Martinair, en hrikaleg raun með Iberia fyrir tveimur árum þegar ég flaug frá Madrid Barajas til Mexíkóborga á Economy Class gerði útslagið.  Comfort Class gefur manni 10% meira rými (stórt spurningarmerki), exclusive coffee service (hvað sem það þýðir) og fullt af kvikmyndum að horfa á á leiðinni.  Bara að þeir eigi G&T, þá er ferðinni borgið.  

Johnny, Vane og Juanma mæta frá Mexíkóborg 2.nóv og verða fyrstu vikuna.

Brillíant.  

 

 

Íslandsferð(ir) og "sumarfríið" ákveðið!

Þá nálgast í Íslandsferðina, 28.ágúst til 1.september.  Hef ekki verið í höfuðborginni síðan 3.janúar, en var þó á Akureyri eina helgi í júní.  Svík lit í þetta skiptið þar sem ég kem með Icelandair. Morgunflug þeirra frá Kaupinháfn er einhver mesta snilld íslenskrar flugsögu.  

Kem svo aftur til Reykjavíkur 12.september og verð til 18.september.  Í millitíðinni kemur góðra vina hópur hingað til Kaupinháfnar til drykkju og til að hlýða á tónleika R.E.M sem verða í Parken fyrstu helgina í september.

Ferðakaupstefnan Vestnorden hefst 15.september í Rvík, og verð ég þar við annan mann.  

Loksins er svo "sumarfríið" nánast ákveðið.  Í þetta skiptið fer ég til Cancún og verð í tvær vikur í nóvember.  Panta gistinguna á mánudaginn og flugið í framhaldinu af því.  Ekki leiðinlegt að fá 5 stjarna gistingu með all-inclusive á $1.157 fyrir tvær vikur.  Mesta aurasál norðvesturhorns Íslands er með í för, og hittum við þar fyrir mexíkóska vini mína sem koma frá Mexíkóborg, en þau verða með okkur í eina viku. 

Var annars í Mexíkó líka í nóvember 2006. 

Einhver almesta reisa sem ég hef tekið þátt í ásamt Júróferðinni 2003 með Mexíkóunum! 

 

 

 

 

 

 

 

 

 

 

 

Bara snilld!

"Róum umræðuna!" - Hvar eru hernaðarandstæðingar Íslands, í Moskvu?

Svandís Svavarsdóttir er einhver almesti hræsnari íslenskra sveitastjórnarmála.  Hún þráir bara völd.  Það er kómískt að heyra hana segja að nýr meirihluti í borginni er umboðslítill.  Nú froðufellir hún yfir því að Óskar Bergsson segir að sátt hafi nást um REI-málið.  Óskar hefði kannski frekar átt að segja að það þyrfti að róa umræðuna, bara svona í tilefni þess að hann væri kominn aftur í meirihluta?  Það vantaði ekki lætin í kerlinguna í október og svo loks þegar hún komst til valda, átti bara að róa umræðuna og forðast óþægilegar spurningar. 

Ég legg það til Hönnu Birnu og Óskars, að þau segi við hina ívið mörgu getulausu fjölmiðlamenn landsins að það þurfi að róa umræðuna og banna eigi óþægilegar spurningar.  Það væri gaman að sjá viðbrögð blaða- og fréttamanna við því, en ekki spurðu þeir Svandísi út í það af hverju það þyrfti og hvort það væri ekki lúalegt af henni að segja þetta í ljósi þetta að hún hafi komist til valda??

Svo er frábært að heyra það að froðusnakkarinn í Samfó vildi ekki mynda nýjan kvartett.  Heldur vill hann að allir flokkar fyrir utan Sjálfstæðisflokk lofi honum að þeir vinni bara með honum einum, eftir næstu kosningar.  Greyið hann!

Annað:

Hvar eru Hamasliðinn Ögmundur Jónasson, hernaðarandstæðingur númeró únó Stefán Pálsson, Jarpur og allir þeir sem hafa froðufellt og hótað að kveikja í sér (næstum því), yfir því að BNA sé í Afganistan og Írak, nú þegar Rússland ræðst inn í Georgíu?  Af hverju er því ekki mótmælt eins og Ísrael, BNA og Bretlandi??  Það er augljóst að þeir tala og ganga í hringi þessir menn.  Allt er BNA, Georg Bush, Davíð Oddssyni, Blair og Dóra Ásgríms að kenna, alveg sama hvað tautar og raular.

Bíð eftir dómi Ögmundar yfir Cheney, en nú eru vinstrimenn í BNA að saka Cheney um að hafa byrjað stríðið í Georgíu....AUMKUNARVERT! 

Viðbjóður dagsins!

Mörður Árnason hlýtur að teljast með leiðinlegustu mönnum veraldar.  Röflar og tuðar út í eitt. Er heimsmeistari að grípa frammí fyrir öðrum til að tuða og röfla aðeins meira. Alltaf á móti.  Hamasliðinn Ögmundur Jónasson kemst ekki með tærnar í leiðindum þar sem Mörður hefur hælana.  Hafði gleymt manninum (Merði) þangað til Stöð 2 ákvað að bjóða honum í Ísland í kvöld.  Kvöldið er ónýtt! Reyndi að slökkva en tækin hlýttu ekki!  

Hreinskilnasti maður stjórnmálanna á Íslandi, Pétur Blöndal, átti sinn vífil ekki fegri þegar þeir mættust ótt og títt í morgunsjónvarpi Stöðvar 2 sáluga.  Mörður röflaði og greip frammí eins og honum væri greitt fyrir það.  Allt var að fara til andskotans á meðan eitt mesta góðæri Íslands gekk yfir.  Tel að það sé ekki tilviljun að hann komst ekki á þing. 

Mörður er viðbjóður dagsins....en ég óska honum velfarnaðar í því sem hann er að gera fyrir utan pólitíkina!

Dihydrogen monoxide

Hvað ætli það séu margar mannvitsbrekkur* sem myndu skrifa undir það að þessi efnablanda muni tortíma lífi á jörðinni?  Örugglega 95% meðlima Saving Iceland, til að byrja með.

*Umhverfisfasistar og vel valdir vinstrimenn!

Var annars í Gautaborg í dag í miklum hita og raka.  Þess vegna var ekki gott að vera innanhús allan daginn þar sem sólin bakaði skrifstofuna!  

 

 

Mannfjölda ágiskanir Stöðvar 2 út úr kortinu!

Það er dálítið undarlegt að lesa og heyra fréttamiðla segja frá þessu.  Stöð 2, eins og þeim er einum lagið, áætluðu að um ein milljón hefðu hlýtt á Obama.  Mogginn segir hundruð þúsunda, RÚV segir tugir þúsunda.  Stöð 2 hefur alltaf verið duglegt að ýkja tölur þegar það hentar þeirra pólitík, t.d. þegar Gómar rölti niður Laugarveginn um árið.  Þýskur fjölmiðill "Morgenposten" segir að rúmlega 200.000 manns hafi heillast af Obama eins og danski fjölmiðillinn "Berlingske Tidende".  Voru þá um 800.000 manns ekki ánægð með Obama í Berlín í gær?

Kannski Stöð 2 hafi fengið Róbert Marshall til að þýða erlent fréttaskeyti varðandi málið; ja eða Gaupa?

Obama tekið sem rokkstjörnu