Móðursýki landans!

Þetta myndband lýsir kannski þeirri móðursýki sem hefur ríkt síðustu misseri á Íslandi?

Dark Knight = nánast leiheiðindi!

Horfði á The Dark Knight í gærkvöldi og verð ég að segja hún olli mér nokkrum vonbrigðum.  Heather Ledger, var auðvitað fínn í sínu hlutverki en enginn meistaraleikur eins og allir vilja meina.  Hann fær Óskarinn þó vegna þess að hann er dauður.  Maður var alltaf að bíða eftir að eitthvað gerðist í myndinni - það kom aldrei.

Vonbrigði - og erfitt að skilja þessar ógurlegu vinsældir.  Batman Begins er mun betri og heilsteyptari mynd.

Horfði svo á Kung Fu Panda eftir:  Stórfín teiknimynd!

Glæsimenni mikið!

Glæsimenni mikið er hann Mugabe. Líkar sérstaklega vel við þennan græna trúðabúning sem hann var í einhverri fréttinni um daginn.  

Það búa fjölmargir milljarðamæringar í Zimbabwe.  Það eru engin vandamál, enda segir hann að allt gangi eins og smurt!  Sjúkdómar og glæpir eru sök Vesturlanda og hananú, þá sérstaklega Breta og Bush!  Ég meina ekki fer hann að ljúga því karlinn?  

Bara glæsimenni þessi karl!

 

 

 

Mugabe verði að víkja

Jólagjöf mín til öfgafemínista!

http://www.fleggaard.dk/movie.aspx

Nýr linkur fyrir auglýsinguna!

Krepputímar!

Já nú eru krepputímar.  Ég er búinn að vera sötra Bombay Shapphire og Tanqueary í Cancún hálfan nóvembermánuð með smá viðkomu í einhverri mexíkóskri laxerolíu.

Fékk svo bræðrastyrk þegar elsti bróðir kom í heimsókn um síðustu helgi, en kom hann með 1L flösku af gæðagininu græna! 

Nú þegar sú flaska er runnin til sjávar, tekur kreppan við og nú drekkur maður bara Finsbury Gin! 100 DKK verðmunur!

Desembermánaðar 2008 verður minnst sem krepputímans hins mikla! 

Cancúnferðin

Jæja, þá nennir maður loks að skrifa eitthvað um þessa frábæru Cancúnferð:

Gist var á fínu hóteli, Blue Bay Club Cancún (Marina) sem er um 25 mínútna akstur frá Cancún-eyrinni sjálfri.  Á hótelinu voru aðallega Bandaríkjamenn, Kanadamenn, Mexíkóar og Bretar.  

Náð var í okkur út á flugvöll og keyrt beint að hóteli þar sem maður fékk G&T við komu og tékk inn.  Íbúðin var síðan risastór.  Tvö svefnherbergi með baðherbergjum og svo stór stofa.  Við létum þrjár svalir duga okkur.  Eins og sést á myndinni, þá er ströndin nánast á svölunum hjá okkur.  

"All-inclusive" pakkinn hélt manni vel maríneruðum í G&T í ca. 15 daga, en það verður að segja að eftir kl. 10:00, þá var nánast bannað að vera með tómt í glasinu.  Þjónarnir sáu til þess.  Eitt var þó dálítið kómískt:  Við fengum rauð armbönd sem þýddi að við voru í gegnum RCI Timeshare og vorum þá í einhverskonar VIP á hótelinu með þeim sem höfðu gyllt armbönd.  Allir Bretarnir og þeir sem komu í gegnum ferðaskrifstofur voru með blá armbönd.  Það þýddi að þeir fengu ekki "jafngott" áfengi á barnum og þeir sem höfðu rauð eða gyllt.  Þar sem ég sat alloft á spjalli við nokkra Breta með blátt og þau sóttu drykki á barinn, fékk ég að kynnast mexíkósku ginhráolíu mjög oft.  Minnir margt á olíuna sem Spánverjar gerðu sem svar við Gordon. LARIOS laxerolíu.

Veðrið lék við okkur alla dagana fyrir utan síðasta daginn (brottfarardaginn).  Um 30°C og sólríkt nánast allan tíman en síðasta daginn dró fyrir sólu og það var hvasst og "kalt" 25°C.

Utan þess að liggja á ströndinni í steikjandi sól, baða sig í Karíbahafinu og sitja við sundlaugarbarinn og þjóra G&T og einstaka Tom Collins, var farið í nokkrar skoðunarferðir.  Fyrst var farið í dagstúr til Chichen Itzá sem er um 200km akstur frá Cancún; siglt til Isla Mujeres og svo skoðunarferð til Xel-há og Tulum.  Johnny og Vanessa buðu okkur svo eina langhelgi til Mexíkóborgar, þar sem þau komust ekki í planlagða fríið til Cancún. 1t 30m flug til Toluca frá Cancún og svo ca. klst akstur til borgarinnar.   

Johnny tók fram grillspaðann síðast kvöldið í Mexíkóborg og grillaði einhverjar bestu Chorizo pylsur sem ég hef smakkað:

 

 

 

 

 

 

 

 

 Yfir heildina þá er Cancún frábær staður að vera á, og mikið meira spennandi en Benidorm, Mallorca, Kýpur og Playa de Inglés á Gran Canaria.  Maður verður yfirleitt að kaupa "all-inclusive" pakka þar og svo er stjanað við þig allan tímann.  Maður er alveg laus við að eignast "vini" frá svörtustu Afríku sem angra mann endalaus á t.d. Playa de Inglés.   Ein hætta er þó í Cancún, að það getur verið ansi dýrt að vera þar, ef maður er mikið á pöbbaröltinu.  Bjórinn á um $5 sem er ekki ókeypis í dag fyrir Íslendinga!

Farið verður aftur til Cancún eftir tvö til fjögur ár, svo mikið er víst!

Enginn kann að telja lengur

Þegar löggan (að ég held) taldi um 8þ manns á Austurvelli fyrir viku síðan, heyrðust engin mótmæli eða tuð í Herði Torfasyni eða öðrum misvitrum mótmælendum.  Allavega rak ég ekki augun í neitt um það í liðinni viku. 

Nú þegar löggan telur 4þ manns, þá allt í einu kann hún ekki að telja eins og fyrir þremur vikum síðan og eru bara fífl og fávitar.  Hörður Torfason er bestur í að meta fjöldann, enda sér hann tvöfalt skv. þeim sem standa fyrir þessu sem er hentugur eiginleiki núna.

Maður er að sjá blogg frá fólki sem labbaði þarna um og metur að um 1þ manns hafi verið þarna og margir flúið kuldann eftir smátíma. 

Hvað er rétt?  Það er erfitt fyrir mig að meta þetta á sjónvarpsmyndum eða blaðamyndum. En þetta virðist alltaf vera sami fjöldinn, eða um 3þ manns fyrir mér. Allavega virðist vera mikið pláss á Austurvelli þegar sjónvarpið er að labba þarna um og taka viðtöl.

Er kannski Hörður að telja alla sem labba um Austurvöll á meðan mótmælunum stendur, jafnvel þá sem vilja ekki kenna sig við mótmælin? Kannski lögguna líka?

Kominn heim eftir tvær vikur í Cancún

Þá er maður lentur í Kaupinháfn eftir tveggja vikna legu í Cancún í Mexíkó.  Níu tíma flug með Martinair til Amsterdam og svo 90mín flug með KLM til Kaupinháfn.  Var þar á mjög góðu hóteli, Blue Bay Cancun Club Marina sem er rétt utan við Cancún eyrina.  Allt innifalið pakki og ströndin ca. 10m frá íbúðinni.  Maður fékk varla að vera með tómt glas þegar maður var á barnum, og þótt maður ætlaði að taka sér svona hálftíma drykkjuhlé, þá var komið að manni fimm mínútum seinna með drykk!  

28°C og sól allan tíman nema brottfarardaginn var þungbúið, rok og farið að kólna. 

Heimsótti Chichen Itzá, Tulum, Xel-há og Isla Mujeres.  Einnig fór ég í langhelgarferð til Johnny og Vane í Mexíkóborg, en þau þurftu að hætta við að koma til Cancún á síðustu stundu.  

Fleiri myndir koma inn á næstu dögum inn á myndasíðuna mína.

Gamall, lúinn og önugur Krati!

Jón Baldvin Hannibalsson óskar þess heitast að Davíð Oddsson verði rekinn sem Seðlabankastjóri. 

Er það hinsta ósk önugar, lúins og gamals Krata að verða Seðlabankastjóri sjálfur?  Er það ósk hans og tilgangur með öllu þessu tilgangslausa gaspri?

Eignaði ekki JBH sér frjálsa markaðsvæðingu á Íslandi hér um árið, og vill ekki kannast við það í dag?  

Já, aumkunarverðir og sorglegir gamlir stjórnmálamenn týnast af þeim fáu trjám sem eru á Íslandi.

Veruleikafirrt fólk finnst allsstaðar.

Þetta er tekið af dagbladet.no, og er athugasemd frá einhverri misjafnri konu, að því virðist frá Ungverjalandi.  Hún er greinilega að misskilja "concept" Sterling Airlines. Þið fyrirgefið enskukunnáttu hennar:

 It appares that low price airline of Sterling is for sale. I have unfortunatley traveled with Sterling several times between Ferihegy(BUD) and Copehagen(CPH) a few times, and i would not buy them if i got them for free! First of all they fly from the old terminal of Ferihegy, and it sucks. No vip lounge! And Sterling does not have first class. It is most irritating to share economey seats with sweat and noisey tourists. Id much rather buy Málev or Lufthansa. They are my favoritts! But i imagine they are not for sale as cheap as Sterling!

It seems that some one already bid on Sterling so i do not think it will be necesarrey for me to give the employes economic help.

 

Já, það er margt skrýtið í kýrhausnum.