Að vera fyrrv. eigandi í Sjóð 9

Þá kom það í ljós.  Þessir svokölluðu ráðgjafar í eignastýringu Glitnis vita greinilega ekki mikið annað en hvað þeir lesa í blöðunum eða heyra í fréttum.  Það ætti kannski frekar að kalla þá spámenn en ekki ráðgjafa. 

Í morgun hvarf dágóð summa af mínum vaxtatekjum í Sjóð 9.  Bara afskrifuð.  Ávöxtunin féll úr 14,8% í 6,6%.  Maður spyr sig hvernig í andskotanum er það hægt, þegar þetta á að vera öruggur og áhættulítill sjóður?? Greinilegt að Stoðir hafa verið uppistaðan í eignasafninu!  

Sem betur fer var ég búinn að innleysa ýmislegt en missirinn er samt mikill. 

Fussum svei.  Þýðir ekkert að dvelja við þetta heldur bara byrja aftur.

Athugasemdir

[jbh (IP-tala skráð) 1.10.2008 kl. 19:03]

Þú varðst heppinn það fór meir en bara ávöxtun af annarri inneign minni (var með 2 reikninga) annar fór í -3% þannig að það lækkaði höfuðstóllinn. Sem reyndar 3 mismunandi starfsmenn Glitnis voru búnir að segja mér á síðustu dögum að gæti ekki gerst. Mín reynsla af þjónustufulltrúum er þannig að ég treysti aðeins einum af þeim 4 eða 5  sem ég hef talað við í gegnum tíðina. Hinir einfaldlega vita ekki rassg.... !!

Ég er búinn að sannreyna að ekkert mark er takandi á neinni ráðgjöf, eða yfirlýsingum frá þessu fólki sem stundar óprúttna sölumennsku á lélegri þjónustu og ránum á sparifé almennings. Hefur þú heyrt einhverjar góðar eignastýringarsögur?? Sumir halda því fram að þar hafi verið stundaður skipulagður þjófnaður á eigum fólks.

Ekkert að marka greiningardeildar puntprikin sem tróna í fínu fötunum í fjölmiðlum og varlegt er að treysta því sem landsfeðurnir kjósa að blaðra í kastljósinu. Sem sagt allt á sömu bókina lært.

Ekki græt ég þá peninga sem ég tapaði í morgun, ræð vel við það en ég græt með unga fólkinu sem ginnt var til að taka alltof há lán, í erlendri mynt o.sv.fr. Mer fannst, þegar veislan stóð sem hæst, eins og bankarnir væru viljandi eða óviljandi að steypa fólki í glötun, þessi tilfinning reyndist rétt. Það er þá bara að vona að fólk muni læra eitthvað af þessu. Dýr skóli fyrir marga því miður.

[Guðmundur Björn, 1.10.2008 kl. 19:22]

Hjartanlega sammála þessu hjá þér. Ekki gekk þetta á höfuðstólinn hjá mér sem betur fer, en magnað þó að "spámaður" Glitnis sagði mér í gær að eignin ætti nú ekki að rýrna mikið!  Húmbúkk!  

En að lokum er þetta alltaf mín ákvörðun auðvitað.

[Bjarni Baukur, 1.10.2008 kl. 22:30]

Allir sem lesa blöðin og fylgjast með- gátu séð fyrir margt löngu að sjóðir eins og Sjóður 9,- eru áhættusjóðir ! Lesa blöðin og vera vakandi ! Ekki kenna ráðgjafanum um þetta !

Besta og öruggasta leiðin til að geyma fjármuni - er í ríkisskuldabréfum !  Árinni kennir slæmur ræðari !

[Guðmundur Björn, 1.10.2008 kl. 22:51]

Ertu þá að meina Berlingske Tidene eða JP?  Er ekki mikið að fylgjast með eða lesa blöðin á Íslandi.  Ef þú lest athugasemdina að ofan, þá er þetta auðvitað bara mín ákvörðun.  Þú getur nú samt ekki neitað því að þessir "ráðgjafar" eru einskis virði.