Í Kaupfélagi Skagfirðinga...

...fær maður alltaf grænmeti og ávexti sem hefur mikla reynslu í að bíða eftir að það verði keypt og borðað.  Það yndislega við þetta er að maður borgar jafnvel aðeins hærra verð en eðlilegt er fyrir svona reynslumikla matvöru. 

Á hann við vandamál að stríða?

Hann er að kalla fólk blábjána og leyfir svo ekki "komment" á síðunni sinni.  Aumingi eða úrhrak?

Sjáið hér: http://thj41.blog.is/blog/thj41/entry/947409/


Í ran

yazd_092_866238.jpgÍ Íran hunsa þeir staðreyndir lífsins.  Mótmælendur eru hálfvitar og mega búast við því að vera drepnir.  Það er þeim sjálfum að kenna!   Helför Nasista var svo bara skrípasaga.

Er þetta ekki eitthvað sem við Íslendingar þurfum að fara að taka upp, á meðan "hörmungarnar" ríða yfir?


Á ekki frekar að lækka vsk til að auka neysluna?

socialism_explained_866039.jpgÞað er eins og Vg haldi að tekjur aukist bara með því að hækka skatta.   Ísland verður orðið svart og sykurlaust fyrir haustið.  Þegar er fólk búið að skrá sig atvinnulaust og þiggur bætur, en er svo að vinna svart um allar hjarðir.  Svört atvinnustarfssemi mun þrífast vel hér og þeir sem reyna að vera heiðarlegir munu þurfa að borga brúsann.

Þrefalt húrra fyrir Jóku og Jarpi!

Það verður svo að þýða samningana fyrir Jóku.  Hún rennur bara blint í þetta, þar sem henni er nákvæmlega sama um þjóðarhag.  Hún og hinir álfarnir í Samfó vilja bara inn í ESB.

 


Where do I sign?

....er líklegt að Svavar Gestsson hafi spurt samninganefndir Breta og Hollendinga þegar hann mætti á fyrsta fund IceSave "samningaviðræðnanna".

Gott og sanngjarnt verð í Vínbúðinni

Þrátt fyrir að áfengisverð hafi hækkað þá er mikilvægt fyrir landann að halda áfram að kaupa áfengi og drekka meir af því.  Það er bæði nærandi og styrkjandi.  Gin kemur í veg fyrir malaríu og vodka getur stundum fengið mann til að gleyma hlutum daginn eftir.  Það var sérstök ánægjustund að fara í ríkið áðan og kaupa sér rauðvín og bjór.  Borgaði með ánægju og maður eiginlega fór snöktandi út þar sem maður vildi eiginlega kaupa meira, en ég er bara með tvær hendur! 

Þökk sé Jarpi og Jóku!  Lifi byltingin og búsáhöldin...svo við gleymum ekki sósíalismanum og forsjárhyggjunni! Wink


Áróðursfréttir Stöðvar 2 í algleymingi

Er ekki magnað að Stöð 2 hefur engan áhuga að fjalla um sviminháa styrki Samfó, sem gerðir voru opinberir fyrir nokkrum dögum?  Það hefur RÚV að vísu ekki heldur áhuga á.  Það fjallar enginn um styrkinn frá Dagsbrún; en eitthvað hefði nú heyrst ef Árvakur hefði styrkt Sjálfstæðisflokkinn. 

Er ekki dálítið undarlegt að þessi annars ömurlega fréttastofa sem er geldingarstöð fyrir Samfylkingarfólk í tilvistarkreppu, fjalli frekar um vexti og verðbætur sem Sjálfstæðisflokkurinn þarf ekki að borga af STYRKNUM sem flokkurinn fékk??  Eitthvað sem skiptir engu máli, enda um styrk að ræða, og því vextir eða verðbætur bara rugl.  Erum við að tala um sorpfréttamennsku eða pólitískan áróður? Örugglega bæði. 

Þessi vinnubrögð koma mér að vísu ekki mikið á óvart.  365 á leið í gjaldþrot og það fljótlega á árinu.  Þá lagast aðeins gæðastigið í fréttamennsku á landinu.


Andvana fædd ríkisstjórn?

Það er margt sem kemur upp í hugann þegar Jóka og Jarpur hafa loks myndað nýja lýðræðislega kosna ríkisstjórn.

Mikið fát er á flokkunum vegna Evrópumálanna.   Samfó vill bara inn vegna þess!   Á blaðamannafundi þeirra í dag var eins og komandi ríkisstjórn væri þegar klofin.  Biðlað var til minnihlutans um að koma málum í gegn.  Traustvekjandi?

Ekkert var talað um heimilin og skuldir fólks frekar en fyrri daginn.  ESB er eina málið sem kemst á dagskrá, og er það okkar vanhæfa fjölmiðlafólk sem á þar sökina.  Heimskan er alger - sjálfstæð og gagnrýnin hugsun er ekki til í fjölmiðlastéttinni á Íslandi.  

Árni Páll virtist ekki himinlifandi með félags- og tryggingapakkann.  Þurfti að kreista brosið fram í sjónvarpsviðtali á Stöð 2 fyrr í dag.  

Skoðun mín er að landið hafi gott að fá vinstri stjórn í smátíma; bara svona til að kynnast þeirri hlið líka.  Dagur eitt byrjar bara ekki vel satt að segja.  Er vinstristjórnin andvana fædd?

 

 


Bara sanngjarnt!

Chelsea er ömurlega leiðnilegt lið - það eitt er næg ástæða fyrir "mistökum" hins frábæra norska dómara í gær.  Ætli Chelsea hafi nokkurn tíma unnið leik vegna hliðholls dómara?? Hmmmmmm!


mbl.is Guus Hiddink: Ósanngjarnt
Tilkynna um óviðeigandi tengingu við frétt

Næsta síða »

Um bloggið

GBE

Höfundur

Guðmundur Björn
Guðmundur Björn
Det kan godt være, at jeg ikke ved alt – men det er sjældent, at jeg møder nogen, der ved mere.

 

 

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...029_1011402
  • ...arfa_adalur
  • ..._092_866238
  • ...yazd_092
  • ...ined_866039

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband