Ævintýraferð á hálendinu

Fór í mikla ævintýraferð á fimmtudagsmorguninn með björgunarsveitinni Gretti á Hofsósi og Varmahlíð.  Keyrt var frá Varmahlíð austur eftir þjóðveginum, inn á Kjalveg og svo í suður á Hveravelli. Sól og blíða var á leiðinni þangað.  Sóðaskapurinn var með ólíkindum á Hvervöllum.  Traðkaðar bjórdósir, timbur og allskyns drasl á víð og dreif.    Frá Hveravöllum var svo keyrt í átt að Kerlingarfjöllum en áfangastaðurinn var skálinn í Setri.  Ekki fengum við að njóta útsýnisins norðan við Kerlingafjöll þar sem það gerði smá muggu.  Birti þó til þegar komið var framhjá Illahrauni. 

Haldið var svo í átt að Nýadal frá Setri suður fyrir Hofssjökul.  Á leið þangað var komið stutt við í flottum skála við Þúfuvötn.  Keyrt var upp með Kvíslavatni og svo austur í Nýadal.  Ekki var búin að vera mikil umferð á þessum slóðum eins og jafnan er á þessum tíma.  Ein bíll í Setri og sáum svo þrjá bíla á leiðinni frá Setri í Nýadal.  Það var allt og sumt.  

Frá Nýadal var svo ákveðið að halda heim á leið með viðkomu í Laugafellsskála, en þar ætluðu snjósleðateymi úr björgunarsveitinni í Varmahlíð að vera.  Frá Nýadal yfir í Laugafellsskála er um 31km, eða miðað við aksturinn á okkur svona rétt undir klukkustund.  Þegar búið að var að keyra um 10 km frá Nýadal lentu við í smá óhappi sem tafði förinna ansi mikið, en að lokum gerði hana bara safaríkari og meira ævintýri.   Komið var í Laugafell milli níu og tíu og dvalið þar til morguns, en þá var lagt af stað til byggða.  Snjóalög voru ekki mikil en tafði okkur þó, þar sem pundað var í dekkinn. Komum við svo á Hóla í Hjaltadal um kl. 08:30 eða 24 tímum seinna.  Ég rankaði við mér um fimmleytið um síðdegið þegar brósi hringdi, en hann var að leika sér á skíðum á Tindastóli þann sama dag.