Kóngurinn í Kaupinháfn

Fór á tónleika Bubba Morthens sem voru í boði Iceland Express hér í Kaupinháfn í gærkvöldi.  Voru þeir haldnir í Falconer Centret í Frederiksberg Kaupinháfn. 

Ætli það hafi ekki verið um 700 manns í salnum.  Þetta voru annars bara ágætir tónleikar en því miður tók Bubbi ekki nægilega mikið af sínum lögum.  Tók, Synetu, Kyrrlátt kvöld, Rómeó og Júlía, Þingmannagæla, Brotin loforð, Afgan....man ekki eftir fleiru en ég gleymi örugglega einhverju.  

Mér fannst Bubbi eitthvað pirraður og skil ég það vel.  Nokkrir tónleikagestir sem sátu mjög framarlega voru þarna bara til að drekka bjór og nánast eyðileggja fyrir öðrum sem voru að reyna að njóta tónleikanna.  Íslendingar í hnotskurn?

Bubbi var þó í flottasta og svalasta jakkanum í gærkvöldi!  Það sama verður ekki sagt um trúðsmúnderinguna sem Frikki Weiss var í.

 

Athugasemdir

[Steini Thorst, 20.10.2008 kl. 19:24]

Voru tónleikarnir nokkuð í BOÐI Iceland Express,........þurftir þú ekkert að borga fyrir?

[Guðmundur Björn, 20.10.2008 kl. 19:51]

Jújú, í BOÐI Iceland Express.