Egill Helga alltaf með málefnalega aðila í símasambandi frá útlandinu!

Var þetta Leoncie í símaviðtali frá Ameríku?  Held að Egill sjálfur hafi verið að hugsa um að skella á hana undir lokin. 

"Sko það verður bara að hreinsa til"

"Þetta er bara djók"

"Ég meina hvað er í gangi?"

 

 

Greyið litla sæta þæga hústökufólkið!

Löggan er svo vond.  Við gerðum ekki neitt.  Kapítalisminn er vondur.  Vorum bara að ræn...nei vernda húsið.   Já, og löggan er vond.  

Það vantaði bara í grátkórinn að þetta væri allt Davíð Oddssyni að kenna og auðvitað Birni Bjarnsyni.  Hefði kórónað fréttina. 

Þá er það ljóst hver verður seðlabankastjóri

Eftir að Þorvaldi Gylfasyni var hampað eins og hetju hér í vetur af vinstriflokkunum á borgarafundunum, var vitað þeir vildu hann í stöðu seðlabankastjóra vegna þess að hann leit svo geðsjúkislega vel út í pontu.  Ég hef sagt þetta frá því í október og stend við það.  Það er löngu búið að ákveða hver myndi fá stólinn.  Þetta umsóknarferli er bara upp á grín.  Pólitísk ráðning á gauche!?

Nú byrjar spillingin fyrir alvöru.

Umhverfistalibanar farnir að skipuleggja ofurskattlagningu á almenning!

Jarpur og co. eru á skömmum tíma búin að koma smá í verk.  Ekki er það þó til að bæta hag fólks. Jarpur er búinn að stofna nefnd til að skoða áfengislögin. Gríðarlega brýnt verkefni á þessum tímum, og svo auðvitað hið geysi mikilvæga mál að koma reglugerð á, um að sælgæti má ekki vera í hillum verslana þar sem börn sjá til!?!?  Síðan er það auðvitað brýnt mál að þóknast yfirstrumpi öfgafemínismans og banna nektardans.  Já, það glymur hátt í tómum tunnum.  

Nú vill hann hækka fjármagnstekjuskattinn í 14%, leggja 5% hátekjuskatt á milllitekjufólk, fólk sem síst má við þessu skatti þar sem það er langflest í mesta skuldapakkanum; og auðvitað taka upp eignarskatt aftur.

Þetta eru auðvitað brýn mál í kreppunni?  Hmmm...hverju var verið að mótmæla á Austurvelli?  Of fáum reglugerðum og nektardansi eða aðgerðarleysi og upplýsingaskorti um stöðu mála í þjóðarbúskapnum?

Þessi hugmynd um aukna skattlagningu bitnar líka á eldra fólki sem er búið að selja húsin sín, sem þau byggðu fyrir tugi ára, og eru að lifa á því fé + ellilífeyrinum.

 

Eldra fólk sem er búið að selja húsin sín og fengu vel fyrir eru að ávaxta fé sitt á hávaxta- eða verðtryggðum reikningi á nú að greiða 14% fjármagnstekjuskatt af sparnaðinum og svo x% skatt af öllum eignum sínum??  Er eitthvað réttlæti í því?  Jarpur og co. fullkomna heimskuna.  Það á að skattpína þjóðina til að greiða niður skuldir ríkissjóðs, og eftir standa gjaldþrota þegnar landsins í enn meira vonleysi, eða eldra fólk sem ekki er stóreignafólk sem byggði upp landið, ávaxtaði sínar eignir og er að nota mögru árin til að njóta ágóðans sem þau svo sannarlega unnu fyrir. 

Bið vinstrimenn um að tyggja róandi og Prozac eftir lestur á þessum pistli. 

Einn ískaldann Carlsberg takk!

Liverpool fagnaði stórsigri á Old Trafford

Mikið áhyggjuefni og áfall fyrir íslenska fjölmiðlamenn!

Það hlýtur að vera mikið áhyggjuefni og áfall fyrir íslenska fjölmiðlamenn þegar fjölmiðlakona með greindarvísitölu á við jarðhnetu hlýtur verðlaun sem besti blaðamaðurinn. 

Ég hef nú almennt verið mjög gagnrýninn á íslenskt fjölmiðlafólk, því það er of upptekið af yfirborðskenndri dramatík, æsifréttum og ekki-fréttum.  Einhliða umræða fer þeim best.  Held að menntunar- og dómgreindarleysið sé algert í þessari stétt. 

Þið verðið bara að fyrirgefa.  Íslensk fjölmiðlun er ömurleg og mun vart batna nú.

 

Og loks kvartar göngugrindin!

Nú er göngugrindin farin að kvarta um aðgerðarleysi þessa hrúgalds sem kallar sig aðgerðarstjórn.  Aðgerðarleysið er algert.  Jarpur grætur bara ákvörðun fyrirrennara síns um hvalveiðar og æfir sig í norsku til að geta tala við Norsarann sem á bara að vera Seðlabankastjóri í nokkrar vikur eða þangað til Þorvaldi Gylfasyni verður afhentur stóllinn.  Ögmundur afturkallar sparnaðaraðgerðir Guðlaugs Þórs og gramsar í kössum heilbrigðisráðuneytisins til að koma höggi á hann; Jóhanna hefur þó samið uppsagnarfrumvarp sögunnar með miklum vandræðaleik; Kolla er bara óvinsæl og aðhefst ekkert, enda óhæf til alls; félagsmálaráðherra er að gera .......já hver er það?  Dómsmálaráðherra er að gera eitthvað sem enginn veit; viðskiptaráðherra kemur þó fram í fjölmiðlum annað slagið og segist vera að gera eitthvað - en ekkert gerist samt sem áður.  Össur er upptekinn að blogga illa um Sjálfstæðisflokkinn og kynlíf silunga í Þingvallavatni fram á rauða nótt.  Það eina sem honum hefur dottið í hug er að leggja niður stofnun sem formaður eigin flokks stofnaði!? 

Úff.....landið verður orðið af eyðimörk með þessi hrúgöld við stjórn.

Ber aðalhagfræðingur enga ábyrgð?

Já, þessi blessaði samsuða sem stjórnar landinu hefur náð að afkasta einu.  Skrifa langt uppsagnarbréf til að koma tveimur mönnum frá.  Síðan fær aðalhagfræðingurinn að halda áfram?  Er hann kannski umhverfisfasisti eða sósíalisti og þess vegna má hann vera memm? 

 

Nýr seðlabankastjóri settur

Helvítis fokking fokk!

Davíðshatarar, Samfó og VG eru væntanlega að drepast úr bræði núna, eftir viðtalið við Davíð. 

Snilldarviðtal og góð gagnrýni á okkar annars ÖMURLEGU fjölmiðla.   Ágætt hjá karlinum að setja ofan í Sigmar enda íslenskir fréttamenn flestir fastir í vonlausum drama- og æsifréttastíl.

 

Hvar er öll popúlismaumræðan um inngöngu í ESB?

Hvar er krafan um inngöngu í ESB frá Samfó núna?  Sjálfstæðisflokknum var bara hótað að ef þeir myndu ekki lagfæra afstöðu sína í þeim málum, væri stjórnarsamstarfið búið.  Nú heyrist ekki tíst frá þessu sama fólki. Hvað veldur?  Lýðskrum dauðans sem verður jafnan til hjá Samfylkingarfólki?  Af hverju er ekkert talað um upptöku Evru núna?  Vegna þess að Steingrímur J. hefur bannað hana, þar sem hann vil gera Ísland af kommúnu í Konungsríkinu Noregi.   Það var sem sagt eina krafa VG þegar farið var í stjórnarviðræður við Samfó um daginn, að ekki yrði talað um inngöngu í ESB.  Samfó er auðvitað í dauðaslitrunum og full af sauri, að hún lætur trampa á sér eins og gleðikonu með slæmt og fúlt gyllinæði. VG þráir svo bara völd enda Steingrímur karlinn verið í stjórnarandstöðu í tvo áratugi og orðinn langþreyttur á því að sitja út í sal.